Nagapati si Iloilo Governor Arthur Defensor, Jr., nga pinaagi sa pagpasakop sang mga opisina sa Iloilo Provincial Government sa mga pagpasidungog, mas naga-improve kag naga-pulido pa ang trabaho sang mga empleyado.
Sa interview sang Bombo Radyo kay Governor Defensor, iya ginpahayag nga subong nga 2024, nakit-an niya nga ginhimo man sang mga department heads kag mga empleyado ang ila ikasarang agud mahatag ang maayo nga serbisyo sa mga pumuluyo sang Iloilo.
Isa ka talaksan suno sa iya amo ang nabaton nga 2024 Seal of Good Local Governance sang probinsya.
Pahayag ni Defensor, nakit-an niya nga may yara sang mayo nga implementasyon sang Iloilo Provincial Government sa basic programs sa mga kabanwahanan kag mga barangay.
Ginpasalig man ni Defensor nga mas kaayuhon pa nila ang trabaho para sa kaayuhan sang mga pumuluyo agud makakuha man liwat sang Seal of Good Local Governance.
