Nagnubo ang trust and approval ratings ni Vice President Sara Duterte sang Nobyembre.
Ini suno sa resulta sang Pulse Asia nga ginpaguwa sang nagligad nga semana.
Ang amo man nga survey nagapakita sang pagnubo sang ratings ni President Ferdinand Marcos Jr., partikular sa Mindanao kag sa mga pigado nga Pilipino.
Samtang ang trust score ni Duterte sang Nobyembre yara sa 49 gikan sa 61 sang Setyembre — isa ka significant nga 12-percentage point decline — samtang ang iya approval rating nagnubo man sa 50 gikan sa 60 sang Setyembre.
Ang bise presidente may yara sang trust and approval ratings nga 71 kag 69, sa magkatuhay, sang Hunyo.
Ginpatigayon sang Pulse Asia ang survey sa tunga sang pagpasaka sang impeachment complaints batok kay Duterte nga nag-ugat sa ginaalegar iregularidad sa paggamit sang confidential funds sang iya talatapan kag mga pamahog sini batuk kay President Ferdinand Marcos Jr.
Ginpanginwala man ni Duterte ang mga alegasyon kag makapila ka beses nga gin-attribute ini sa ginapahayag pagtinguha nga pakahuy-an siya antes ang 2028 presidential elections.
Nagsiling man si Duterte nga napilian kuntani siya nga presidente sa 2022 nga eleksyon kon nagpadalagan siya para sa posisyon apang ginhatag niya ini bangod nabatyagan niya nga kinahanglan niya himuon ang iban pa nga mga butang magluwas sa pagkapresidente sang Republika sang Pilipinas.
