𝗜𝗟𝗢𝗜𝗟𝗢 𝗖𝗜𝗧𝗬 – Arestado ang mag-asawa sa ginpatigayon nga drug buy bust operation sa Brgy. Tanza Timawa 2, Iloilo City Proper.
Ang subject amo sanday Alyas Mama Lee, High-Value Individual (HVI), 51, manicurista, kag iya bana nga si Alyas Papa Jun, 50, lunsay residente sang nasambit nga barangay.
Naglab-ot sa tatlo ka semana ang monitoring sa mag-asawa antes nadakpan.
Nakuhaan naman ang mga ini sang P612, 000 nga balor sang ginapasuni illegal nga droga.
Sa subong, preso na ang mga ini sa Iloilo City Police Station 1 kag nagapangatubang ang kaso nga paglapas sa Republic Act No. 9165 ukon Comprehensive Dangerous Drugs Act of 2002.
