Nagpangayo sang paghangop ang Sangguniang Panlalawigan sa mga motorcycle riders nga wala ginapahanugutan nga mag-agi sa ibabaw sang Ungka flyover.
Sa interview sang Bombo Radyo kay Iloilo 4th District Board Member Rolando Distura, chairman sang Committee on Infrastructure, iya ginpahayag nga isa sa mga rason amo ang paglikaw sang aksidente nga involved ang motorsiklo.
Suno kay Distura, ini bangud nga madamo gihapon nga mga motorcycle riders nga irresponsable sa pagmaneho kag mahilig magpalumba.
Pahayag ni Distura, indi man subong apang maabot gid ang tiempo nga tugutan ang mga motorsiklo nga maglabay sa ibabaw sang flyover sa kondisyon nga magabag-o ang paminatasan sang mga motorista.
Una na ginplastar sang Department of Public Works and Highways ang amo nga rason kun nga wala ini ginatugutan ang mga motorisklo nga maglabay sa flyover.
Ginalantaw man nga rason ang manubo nga railings nga indi safe sa mga motorsiklo.
