Ginpasirado sang Philippine National Police Anti-Cybercrime Group (PNP-ACG) ang 115 online platforms nga nagabaligya sang iligal nga palupok.
Sa latest data sang opisina, nalakip ang 59 Facebook pages, 54 X (formerly Twitter) accounts, isa ka website kag isa ka account sa audio streaming app nga Spotify.
Magluwas diri, may 208 pa ka iban nga online platforms nga padayon nga gina-monitor sang otoridad.
Suno sa opisina, kun may yara sang makita nga violation ang cyber patrollers, gilayon ini nga gina-request para ma-take down ang platform.
Ang mga madakpan nga nagabaligya sang illegal firecrackers ang natalana nga pasakaan sang reklamo nga paglapas sa Republic Act (RA) 7183 ukon An Act Regulating the Sale, Manufacture, Distribution, and Use of Firecrackers and Pyrotechnic Devices. Mahimo ini dagdagan sang penalidad nga P20,000 tubtub sa P30,000 kag mahimo mapreso sang tubtub isa ka tuig.
Sa pihak nga bahin, ang paggamit naman sang online platforms para sa sini nga illegal activity ang makabig man nga paglapas sa RA 10175 ukon sa Cybercrime Prevention Act of 2012.
Halin sang Dec. 6-26, nakapatigayon na ang ACG sang walo ka mga operasyon batok sa online sale sang ginadumilian nga firecrackers kun sa diin 10 na ang naaresto kag nakumpiskar ang balor P76,400 nga mga palupok.
