Nagaplano ang Department of Agriculture (DA) nga mag-set sang “maximum suggested retail price” (MSRP) system para sa imported rice sa tuyo nga mapanubo ang presyo sini sa mga merkado.
Suno kay Agriculture Secretary Francisco Tiu Laurel Jr., posible nga ipaguwa nila ini sa katapusan sang Enero.
Ginklaro man sini nga lain ini ipaanggid sa price cap.
Gindugang man ni DA spokesperson Arnel De Mesa nga nagaplano man ang ahensya nga ibutang ang type, country of origin, kag percentage sang broken rice sa mga produkto nga ginabutang sa merkado. Makig-istorya man ang DA sa iban pa nga mga ahensya para sa sanctions sa mga magalapas sa MSRP.
Ini nga tikang ang kasunod sa marathon hearings sa Kamara sang nagligad nga tuig nga nag-sentro sa ginaalegar nga price manipulation, profiteering, kag hoarding sang imported rice.
Gingisa sang mga mamalidha ang concerned agencies lakip na ang DA kag ang National Economic and Development Authority kun ngaa nga wala naganubo ang presyo sang imported rice bisan pa nga ginpanubo na sang gobyerno ang taripa.
Sa latest price monitoring sang ahensya, ang imported special rice sa Metro Manila ang nagatupa sa P54 tubtub sa P65 per kilo samtang ang imported premium rice naman ang nagatupa sa P52 tubtub sa P60.
