Indi lamang sa imported rice ipatuman ang maximum suggested retail price (MSRP) kundi sa iban pa gid nga mga produkto.
Suno sa Department of Agriculture (DA), mahimo man ini iimplementar sa iban nga imported food commodities kaangay sang vegetables kag karne.
Suno pa kay Agriculture Secretary Francisco P. Tiu Laurel, Jr., nagapakig-angot na sila sa Department of Trade and Industry (DTI) agud padayon nga magpangita sang mga paagi nga mabuhinan ang palas-anon sa pinansyal sang mga Pilipino.
Ginpahayag naman ni Trade Secretary Ma. Cristina A. Roque nga iga-convene sini ang National Price Coordinating Council agud marepaso ang mga estratehiya sa pagpa-estable sang presyo.
Una na nga ginpahayag sang DA nga posible sa katapusan sang bulan nila ma-finalize ang MSRP para sa imported rice para nga malikawan ang manipulasyon sa presyo.
