Masobra 2,000 ka mga balay kag mga imprastruktura ang naguba, samtang lima naman ang napatay sa nagluntad nga wildfire sa Los Angeles County, California, USA.
Suno kay Bombo Nilo Juaneza, Bombo International Correspondent sa California, USA, ang lima ka mga lawas ang nakit-an sa sulod sang tatlo ka mga building sa Altadena kon sa diin, ang Eaton fire ang naglupok, rason nga wala gilayon nakaluwas ang mga biktima.
Ginabanta nga masobra 1,000 ka mga istruktura ang naguba sa Palisades fire samtang 1,000 naman ang na-damage sa Eaton Fire.
Suno sa Los Angels County Fire Department, ang mga kagamitan nga ginagamit sa pagpalong sang sunog ang nabudlayan matapos nagluntad ang sunog sa Hollywood Hills area mga alas-5:45 sa hapon sang Miyerkules, nga nagtulod sa pag-evacuate sa lugar sang Runyon Canyon.
Sa Pacific Palisades, nasunog ang masobra 15,800 ka ektarya sang tubtob sa Pacific Coast Highway, sa diin ginlamon sini ang mga minilyon ka dolyar nga mga puluy-an.
Tubtob subong, wala pa na natumod sang talatapan ang rason sang kamatayon sang lima ka mga indibidwal nga ginbawian sang kabuhi sa amo nga insidente.
