Gin-suspend sang Commission on Elections (Comelec) ang printing sang official ballots kasunod sang ruling sang Supreme Court (SC) sa pagpugong sa poll body nga i- disqualify si ex-Caloocan City representative Edgar Erice kag iban pa gikan sa 2025 national and local elections (NLE).
Ini nga development kasunod sang ginpatigayon sang Comelec nga meeting agud istoryahan ang mga tikang kung paano mag- comply sa ruling sang Supreme Court.
Suno sa poll body, gilayon nila ginmando ang pagpauntat sang pag-print sang mga balota bilang kabahin sang contingency measures naangot sa desisyon sang High Court.
Ila man nga gin-amyendaran ang database sang mga kandidato, election management system (EMS), kag ang automated counting machine (ACM) kag consolidation and canvassing system (CCS).
Nag-generate man ang Comelec sang 1,667 ballot face templates nga nagapakita sang desisyon sang Supreme Court kag naghimo sang inventory sang tanan nga printed ballots.
Ginkansela man sang poll body ang live test para sa trusted build sang online voting and counting system (OVCS) kag ang scheduled mock elections sa January 18,Sabado.
Suno sa Comelec, ireprint man sini ang tanan nga affected ballots matapos nga mag-epekto na ang pagbag-o sa election management system.
Nahibaluan nga nag-isyu ang Supreme Court sang temporary restraining order (TRO) nga nagadumili sa Comelec sa pag- disqualify kay Erice kag sa duha ka iban pa nga aspirants nga una na gindeklarar nga nuisance candidates.
Ginmanduan ang poll body nga magkomento sa petisyon ni Erice sa sulod sang 10 ka adlaw halin sang pagkabaton sang notice.
Una na ginpahayag ni poll chairperson George Erwin Garcia nga ang aspirants nga may mga kaso nga gindeklarar nga final and executory sang Comelec en banc ang wala nalakip sa official ballot.
Ini nagalakip kay Erice, nga ang disqualification ang gin-affirm sang poll body subong nga bulan samtang ang pangalan naman sang aspirants nga may pending decisions ang ilakip gihapon sa mga balota.
Sang Enero, ginpangabay ni Erice sa Supreme Court nga mag-isyu sang TRO ukon writ of preliminary injunction agud punggan ang Comelec sa pagpatuman sang resolusyon angot sa iya disqualification.
Sang Nobyembre sang gin-disqualify sang Comelec si Erice bangud sa paglapas sa Section 261 sang Omnibus Election Code angot sa gin-alegar pagpalapta sang “false and alarming” nga impormasyon.
Madumduman nga Enero 6 sang ginsuguran sang Comelec ang printing sang 73 million nga mga balota nga gamiton sa eleksyon.
