Ginmanduan ni President Ferdinand Marcos, Jr., ang Department of Budget and Management (DBM) nga ibalik ang P400 million nga branding budget para sa Department of Tourism (DOT).
Suno kay Marcos, katuyuan sini nga mapadayon ang mayo nga naumpisahan sang mga Pilipino sa pagbatak sa imahe sang Pilipinas.
“We have to maintain the momentum. There is already momentum,” pahayag ni Marcos.
Ang nasambit nga pondo ang kuhaon sa contingency fund sang Presidente.
Ginhalimbawa diri ni Marcos ang mga recent accomplishments sang mga Pilipino lakip na ang two-time gymnastics world champion nga si Carlos Yulo kag ang nag-kampeon sa “The Voice US” nga si Sofronio Vasquez, nga lunsay naghatag sang dungog sa pungsod.
