Nagapabilin sa gihapon nga palaligban ang gintunaan sang wildfires sa Los Angeles, California, USA sa diin nagbilin ini sang indi magnubo sa 25 ka indibidwal nga patay kag linibo ang ginpang-evacuate.
Sa interview sang Bombo Radyo kay Retired Fire Supt. Stephen Jardeleza, former Deputy Fire Marshall sa Iloilo, iya ginpahayag nga masobra isa ka semana na nga nagapadayon ang sunog sa Los Angeles, apang wala pa napalong.
Suno kay Jardeleza, dako man ang posibilidad nga ginhungod ang sunog, apang wala pa ini sang mabakod nga ebidensya.
Ini bangud sang nag-umpisa ang wildfire sa Los Angeles, isa ka semana na ang nagligad, lima gid ka sunog ang nagluntad sa sulod lang sang isa ka adlaw.
Lakip man sa ginatudlo nga rason sa madasig nga paglapta sang kalayo amo ang hurricane-force winds, manubo nga humidity kag mala nga mga duta.
Magluwas diri, ginakulang man ang tubig kag pressure sa mga fire hydrants sa Pacific Palisades, ang komuniddad nga amo ang tuman nga naapektuhan sang sunog.
