Ginakabig nga isa lang ka personal lang nga pahayag ni Senator Marco Rubio ang paandam sini sa China nga dapat untatan na ang pagpanghilabot sa Pilipinas kag Taiwan.
Ang pahayag ni Rubio ang kasunod sang confirmation hearing sini sa US Senate Committee on Foreign Relations.
Si Rubio ang nominee agud mangin secretary of state ni incoming US president-elect Donald Trump.
Sa interview sang Bombo Radyo kay Atty. Joenar Pueblo, political law professor sa University of San Agustin College of Law, iya ginpahayag nga isa man ka dako nga bulig sa Pilipinas ang paandam ni Rubio sa ginahimo nga pagpang-bully sang China sa pungsod.
Suno kay Pueblo, apisar wala pa nakapungko si Rubio sa posisyon, apang indi man ini dapat pagpabay-an lang sang China.
Nagapakita lang suno sa natungdan nga nakahanda ang Amerika nga protektahan ang anuman nga nagabalabag sa ila ekonomiya.
Ginhalimbawa man ni Rubio ang ginhimo nga pag-deploy sang China sang ila 165-meter-long coast guard vessel ukon mas kilala nga “monster ship” malapit sa Zambales sa diin ginlaragway niya ini nga isa ka sahi sang “harassment” sa Pilipinas.
