Dismayado ang pila ka mga myembro sang Filipino community sa Amerika sa mga ginpangbuy-an nga pahayag ni United States President Donald Trump.
Ini ang kadungan sang pagsumpa ni Trump bilang ika-47 nga presidente sang Estados Unidos sang Amerika.
Suno kay Bombo Gemma Riccio, international correspondent sa Amerika, iya ginpahayag nga lakip sa mga wala nila nauyunan amo ang pahayag ni Trump sa Diversity, equity, and inclusion (DEI), Lesbian, gay, bisexual, and transgender (LGBT) community kag sa immigrants.
Sa basin sang DEI, dako kuntani ini nga bulig ilabi na sa mga Pinoy nga luyag makaangkon ang patas nga pagtrato.
Wala man sini nauyunan ang pahayag ni Trump nga ang lalaki kag babaye lang ang iya nga ginakilala, apisar nga madamo sang mga myembro sang LGBT sa nasambit nga pungsod.
Sa mga immigrants naman, nagakahangawa man ini sa plano ni Trump nga pag-restrict kag pag-eliminate sa legal immigration.
Pat-od suno sa natungdan nga magatuga ini sang ginamo sa Amerika sa tion nga ipatuman na ini tanan.
