Ginpanginwala sang kontraktor sang Mandurriao Public Market nga sila ang may kapaltahan kon ngaa na-delay ang paghuman sang proyekto.
Sa interview sang Bombo Radyo kay former Iloilo City Councilor Plaridel Nava, kabahin sang kontaktor sang Mandurriao Public Market, iya ginpahayag nga dapat indi paglantawon nga ang kontraktor ang may sala bangud tapos na sila sa amo nga proyekto.
Suno kay Nava, ang ginahambal ni Iloilo City Mayor Jerry Treñas wala natapos, buot silingon, wala natapos ang kabug-usan sang merkado bangud sa kakulangan sa bugdet.
Nagdepensa man ini nga ang pagtukod sang phase 1 sang proyekto ang natapos na nila kasunod sang pagdaog man nila sa bidding.
Ginbasol man ni Nava ang Department of Public Works and Highways kag si Iloilo City Lone District Representative Julienne “Jam-jam” Baronda bangud wala sini nila nahimuan sang paagi agud nga mapondohan ang proyekto.
Una na nga nagpangako si Representative Baronda nga pangitaan sang pondo ang Mandurriao Public Market kon may kakulangan sa budget sini.
Nagpasalig man ang mamalidha nga hatagan sang ayuda ang mga vendors sa merkado nga naapektohan sang huol nga natuga sang delay nga pagpatukod.
