Nagpaandam ang China nga indi dapat magpanghilabot ang Estados Unidos sa isyu sa West Philippine Sea.
Kadungan ini sang ila statement nga nagpahayag nga lehitimo kag legal ang ila nga mga aktibidad sa amo nga teritoryo apisar nga sakop ini sang exclusive economic zone sang Pilipinas.
Ini nga pahayag sang Beijing ang ginpaguwa matapos nagsiling si US Secretary of State Marco Rubio nga committed gihapon ang United States sa idalom ni President Donald Trump nga madepensahan ang Pilipinas sa amo nga tension sa teritoryo.
Sabat naman ni Chinese Foreign Ministry spokesperson Mao Ning, wala sang labot ang US sa isyu sa West Philippine Sea kag wala ini sang kinamatarong nga magpatunga sa maritime issues sa tunga sang China kag Pilipinas. Dugang sini, ang military cooperation sa tunga sang Pilipinas kag US ang indi dapat magpakanubo sa soberanya sang China kag sa ila maritime rights kag mga interests.
Ginpahayag man sini nga ang matuod nga iligal amo ang mga claims sang Pilipinas.
Yari ang statement:
“China’s activities in relevant waters are legitimate, lawful, and fully justified. The US is not a party to the South China Sea issue and has no right to interfere in the maritime issues between China and the Philippines. The military cooperation between the US and the Philippines should not undermine China’s sovereignty and maritime rights and interests in the South China Sea, still less should such cooperation support or advance the Philippines’ illegal claims.”
Matandaan nga una na nagpagwa sang statement si State Department spokeswoman Tammy Bruce nga naka-istoryahanay na si Rubio kag si Foreign Affairs secretary Enrique Manalo kun sa diin suno sa iya ginplastar nga mabakod ang commitment sang US sa Pilipinas sa idalom sang Mutual Defense Treaty.
Sa amo nga tawag, ginpahayag ni Rubio nga ang mga buluhaton sang China ang nagaguba sang regional peace and stability kag balik-awot sa kun ano ang nakabutang sa international law.
