Face-to-face classes sa Iloilo City kag opisina sa Iloilo City Gov’t, suspendido subong nga adlaw, Enero 27

𝗜𝗟𝗢𝗜𝗟𝗢 𝗖𝗜𝗧𝗬 – Ginkansela ni Iloilo City Mayor Jerry Treñas ang face-to-face classes sa tanan nga lebel sa syudad subong nga Lunes, Enero 2.

Santo sa Executive Order No. 011, series of 2025, suspendido ang face-to-face classes kadungan sang selebrasyon sang Dinagyang Festival.

Sa interview naman sang Bombo Radyo kay Dr. Maria Luz delos Reyes, Superintendent sang Schools Division of Iloilo City, iya ginpahayag nga sa pihak sang class suspension, ginapasiguro niya nga indi ini makaapekto sang dako nga pagtuon sang kabataan.

Suno kay delos Reyes, mahimo gihapon magpatigayon sang modular learning ukon online lang.

Gin-athag man niya nga apisar wala sang face-to-face classes, bukas ang mga eskwelahan kag present gihapon ang tanan nga personnel sang mga eskwelahan.

Samtang, ginkansela man subong nga adlaw ang trabaho sa Iloilo City Government kaangot sa gihapon sa bag-o lang nagtakop nga Dinagyang Festival.

Ini ang santo sa Executive Order No. 001, series of 2025.

Apang ang mga opisina naman nga nalakip sa essential workforce ang magapadayon sa gihapon agud masigurado nga indi mahul-an ang publiko.