Nagpasaka sang kaso batok sa administrasyon ni US President Donald Trump ang apat ka mga grupo batok sa pag-freeze sang federal loans, grants kag iban nga financial assistance.
Ini nga mga grupo ang ginabug-usan sang non-profits, public health professionals kag small businesses.
Ang amo nga lawsuit ang naga-target sang direktiba nga gin-isyu sang acting head sang US office of management and budget nga mahimo mag-disrupt sa education kag health care programs, housing assistance, disaster relief kag iban nga inisyatibo nga nagadepende sa billions nga federal dollars.
Suno sa mga grupo, ang pagpauntat sang funding ang magaresulta sang negatibo kag dako nga impact sa ginatos ka libo ka mga grant recipients.
Ini ginalakipan sang Meals on Wheels kag sang iban nga Head Start programs.
Ginaduso sang nasambit nga mga grupo nga mag-isyu ang korte sang temporary restraining order batok sa amo nga tikang sang Trump administration.
