Gindeklarar sang mga bombero nga napalong na gid man ukon fully contained na ang duha sa pinakadaku nga wildfires nga naglamon sa daku nga parte sang Los Angeles, California, USA sa sulod sang masobra tatlo ka semana.
Ini amo ang Palisades kag Eaton fires nga ginakabig nga duha sa pinakalapad kag pinakamakahalalit nga sunog sa maragtas sang Los Angeles.
Nagbilin ini sang ginabanta 30 ka mga patay, nag-abo sang 10,000 ka mga puluy-an, kag nagsunog sang 37,000 acres (150 square kilometers) nga area. Ginabanta nga ang halit nagatupa sa hundreds of billions of dollars.
Una naman nga nabawi ang evacuation orders sa mga residente antes pa man ang anunsyo nga 100% na ang containment sa duha ka wildfires.
Enero 7 sang nag-umpisa ang sunog apang tubtub subong wala sang klaro kun ano gid ang ginhalinan.
