Isa ka Filipino ang patay kag isa ang pilason matapos nga ginbuno sang kaangay man nga mga Pinoy sa Poland.
Suno kay Bombo International Correspondent Anselmo Jolongbayan, natabo ang insidente sa isa ka construction site sa Plock site sa natunga nga bahin sang pungsod.
Ginpahayag ni Jolongbayan nga base sa imbestigasyon, may natabo nga pagbinaisay sang nahubog ang mga construction workers nga involved.
Pahayag niya, sang natulugan na ang mga biktima, ginsulod sila sang mga suspek sa ila kwarto kag didto ginpangbuno ang mga ini.
Dugang niya, ginaalegar nga masami nga gina-bully sang mga biktima ang mga suspek.
Sa subong, detained sa Poland ang tatlo ka mga suspek.
Gindala naman pauli sa Pilipinas ang bangkay sang napatay samtang nagapabilin naman sa ospital ang isa pa ka biktima.
