Dayunon sang Department of Agriculture (DA) ang pagpatuman sang maximum suggested retail price (SRP) sa karne sang baboy.
Ini matapos naglab-ot na sa P480 per kilo ang presyo sini sandig sa pinakaulihi nga monitoring sang ahensya.
Suno kay Agriculture Assistant Secretary kag spokesman Arnel de Mesa, wala pa sang nahitso nga petsa kun san-o ini umpisahan, apang pat-od nga iimplementar ini sang agriculture department bangud sobra-sobra ang presyo nga makit-an sa mga mercado.
Base sa monitoring sang DA, ang retail price sang pork shoulder ang yara sa P345 tubtub sa P420 per kilo samtang yara sa P380 tubtub sa P480 per kilo naman sa pork belly.
Tuman ini ka taas ipaanggid sa farmgate price nga P220-P240 kada kilo.
“If you include the additional cost of P100 to P150, the retail price should only be P350, P360, P380, but we are seeing P450, P460, P480, P450. There is something wrong with the pricing in the markets,” suno kay De Mesa.
Una na nga gin-report sang DA nga sang third quarter sang 2024, naka-recover na ang hog raisers sa epekto sang pag-igo sang African Swine Fever (ASF).
