Ginpa-activate na sang Task Force on Morals and Values Formation ang mga personnel sini kaupod ang mga volunteer groups sa mga barangay may kaangtanan sa nagahilapit nga selebrasyon sang Valentine’s Day.
Sa interview sang Bombo Radyo kay Mr. Nestor Canong, head sang Task Force, iya ginpahayag nga nagatutok sila sa pagpahanumdom sa mga accommodation establishments nga istriktuhon gid ang pagdumili sa mga menor de edad nga magsulod.
Suno kay Canong, ginapahangop sa management sang sini nga mga establishments ang Regulation Ordinance 2015-447.
Ini nga ordinansa naga- regulate sa operasyon sang hotels, motels, apartelles, lodging houses, pension houses, inns, kag kaangay nga establishments kag nagaplastar sang penalidad sa ano man nga violation.
Kun may yara naman sang menor de edad nga magpamilit nga magsulod, sila ang iga- rescue kag dal-on sa City Social Welfare and Development Office (CSWDO).
Ang mga establishments naman nga maga-tolerate sa ila ang magapangatubang sang sanctions.
