Nagpanawagan ang Iloilo City Government sa mga pumuluyo nga nagaistar sa area nga sakop sang Sunset Boulevard nga tatapon ang ila mga hinuptanan nga ido.
Sa interview sang Bombo Radyo kay Engr. Neil Ravena, pinuno sang General Services Office, iya ginpahayag nga ila nanotisyaran ang presensya sang madamo nga layaw nga ido sa lugar nga nagapang-ukay sang mga basurahan nga rason sang paglinapta sang basura.
Suno kay Ravena, kuntani magkooperar ang mga tag-iya sang ido paagi sa pagkurong ukon paghigot sa ila agud indi maglagaw kag mang-ukay sang mga basurahan.
Pahayag niya, padayon man ang pagpahamtang nila sang mga waste bins agud nga may yara sang mahabuyan sang basura ang mga tawo nga nagakadto sa lugar.
