Magapatigayon ang Queen City Development Bank (Queenbank) sang sa ika-43 sini nga tuig nga Top Level Management Conference (TLMC) umpisa subong nga adlaw, Pebrero 12 tubtob 14 sa Dr. Rogelio M. Florete Leadership Center, Queenbank Building, Valeria Street, Iloilo City.
Magapanguna sa tatlo ka adlaw nga seminar ang presidente sang Queenbank nga si Ms. Margaret Ruth C. Florete, ang Senior Vice Presidents nga sanday Mr. Enrico O. Jacomille kag Mr. Dante A. Javellana, kag ang Assistant Vice President nga si Ms. Rutherine S. Robles.
Ini nga conference ang magatanyag sang indi-kinaandan nga oportunidad para sa masangkad nga diskusyon sa timely kag importante nga mga isyu nga ginapangatubang sang branch officers sa mainuswagon nga market economies.
Ang tema subong nga tuig amo ang “Creating Customer Connections – Meeting the Challenge.” Ginapakita sini ang dedikasyon sang Queenbank sa pagpaayo pa sang customer relations, bank regulation, supervision, kag practices nga nagatuyo nga mapa-uswag pa ang mga produkto kag serbisyo sa mga kliyente.
Lakip sa nagapanguna nga ginatanyag sini amo ang Mobile Banking, PESONet, QR.Ph, PhilPass Remittance, Western Union, Bayad Center, kag madamo nga iban pa.
Sang Enero 5, 2025, gin-inagurahan sang Queenbank ang pinakabag-o sini nga branch sa Barangay Ilawod, Zarraga, Iloilo.
Sang amo man nga bulan, ginsaylo ang Queenbank Plazuela Uno sa Plazuela Dos kag subong naga-atubang na sa Diversion Road.
Sa bulig sang contemporary design kag mas ginpaayo pa nga lokasyon, mas accessible na subong ang Queenbank Plazuela Dos sa existing kag prospecting clients.
Sang tuig 2024, gin-demonstrar man sang Queenbank ang importante nga mga pag-uswag sa deposit liabilities nga naga-reflect sang pagsalig sang publiko sa reputasyon sini nga madugay na nga naestablisar. Nagapakita man ini sang mabakod nga capital position kag mabaskog nga portfolio base. Naka-record ang bangko sang gross revenue nga Php 212-milion kag kabug-usan nga assets nga nagalab-ot sa halos Php 4-billion nga nagapakita sang padayon nga exemplary growth. Dugang diri, ginapabilin man sang Queenbank ang tuman ka estable nga capital base nga nagapakita man sang financial strength sini.
Samtang nga ginapreparahan ang palaabuton, mas dugangan pa sang Queenbank ang digital transformation kag innovation kag pasangkaron pa gid ang pagtanyag sang mga serbisyo kag customer experience. Ini nga progresibo nga approach amo ang naga-posisyon sa Queenbank nga magpadayon sa tunga sang nagabag-o nga financial landscape samtang nga ginapabilin ang commitment sini sa excellence kag customer satisfaction.
