Magalunsar ang Philippine Health Insurance Corporation (PhilHealth) sang bag-o nga mga benefit packages nga magapasanyog pa sang delivery sang healthcare services sa mga pasyente sa mga ospital.
Ini ang kabahin sang priority programs sang state health insurer sa 2025.
Ang bag-o nga benefit packages ang maga- cater sa Diagnosis-Related Groups (DRGs) paagi sa Comprehensive Outpatient Benefit Package (COBP).
Samtang ang Z Benefit Packages naman ang maga- expand sang coverage para sa Heart Valve Surgery, Assistive Devices of Children with Disabilities, Kidney Transplantation, Prostate cancer, Cervical Cancer, kag Open Heart Surgeries, kag iban pa.
Suno kay (PhilHealth) Region VI Acting Regional Vice President Lazaro T. Tabsing, kabahin ini sang padayon nga pagtinguha sang state health insurer nga mag-deliver sang commitment agud paayuhon pa ang National Health Insurance Program (NHIP.
Matandaan nga sang 2024, naglunsar ang PhilHealth sang 13 ka bag-o kag enhanced benefit packages nga nagalakip sang para sa hemodialysis nga nagtaas sa P6,350 para sa 156 sessions kada tuig halin sa P2,600 sang 2023.
Ang iban nga mas ginpaayo nga benefit packages ang ginpatuman man nga nagalakip sang severe dengue hemorrhagic fever, COVID-19 inpatient benefits, peritoneal dialysis, kidney transplantation, ischemic heart disease, kag cataract extraction.
Ang pinakabag-o nga benefit packages sang PhilHealth ang nagalakip sang preventive tubtob curative kag rehabilitative care para sa outpatient emergency care, preventive oral health services sa primary care, amo man sa physical medicine, rehabilitation, kag assistive devices.
