Arestado ang mag-live-in partner sa Barangay New Visayas, Panabo City sa Davao del Norte sa ginpatigayon nga anti-illegal drug operation sang kapulisan sang Sabado sang aga, Pebrero 15, 2025.
Ang mga suspek ang nagikan sa Caraga Region nga nagadul-ong sang suplay sang iligal nga droga sa nagkalain-lain nga lugar sa Mindanao.
Nakuha sa ila ang masobra anum ka kilo sang suspected shabu nga nagabalor sang P44.4 million. Nakuha man sa mga suspetsado ang buy-bust money.
Ang duha nga nadakpan amo ang top 1 kag top 3 nga high-value targets sa regional level sang PNP.
Preso na karon sa Panabo Police Station ang mga suspetsado kag magapangatubang sang kaso nga paglapas sa Comprehensive Dangerous Drugs Act of 2002.
