Gin-istorya ni Iloilo City Mayor Jerry Treñas si Mr. JV Mabilog nga Assistant Head sang Public Order and Safety Management Office may kaangtanan sa ginapasuni nagagwa nga misinformation.
Ini nahanungod sa ginpahayag ni Former Iloilo City Mayor Jed Patrick Mabilog nga utang sang syudad para sa pagkaayo sang mga public markets.
Sa interview sang Bombo Radyo kay Mayor Treñas, iya ginpahayag nga gusto niya man lang man nga insakto ang mga impormasyon nga nagaguwa sa publiko.
Suno sa alkalde, bukas sa publiko ang mga dokumento sang syudad nga makapamatuod nga wala sang kamatuoran nga ₱3.3 billion ang gin-utang sang Iloilo City Government para lang sa merkado.
Para sa natungdan, indi manami nga magdala-dala sang kabutigan agud makabalik sa ambisyon sini nga makapungko sa Iloilo City Hall.
Gintumod man ni Treñas nga hayag sa publiko ang pag-utang, bidding, kag bisan ang dokumento nga nagapakita sang proseso sa pag-utang sang syudad kon may proyekto.
