Ginbuksan na sang Bureau of Fisheries and Aquatic Resources (BFAR) ang fishing season sa Visayan Sea matapos ang tatlo ka bulan nga ‘fishing ban’ nga ginpatuman sang Nobyembre 15, 2024.
Sa interview sang Bombo Radyo kay Remia Aparri, Director sang BFAR Region 6, iya ginpahayag nga Pebrero 15 sang ginbuksan ang pagpangisda sa Visayan Sea.
Suno kay Aparri, ang Visayan Sea fishing ground ang manggaranon sa mga isda nga ginahimo nga sardinas kaangay sang herring kag mackerel.
Ginpaidalom sa fishing ban ang Visayan Sea matapos natukiban sang BFAR nga nagagamay ang isda sa nasambit nga kadagatan.
Kaupod sang BFAR sa pagbubukas sang fishing season sa Visayan Sea ang Philippine Coast Guard (PCG), Philippine Navy, Philippine National Police (PNP-Maritime Group) kag mga local government units.
-𝗪𝗶𝘁𝗵 𝗮 𝗿𝗲𝗽𝗼𝗿𝘁 𝗳𝗿𝗼𝗺 𝗕𝗼𝗺𝗯𝗼 𝗟𝘆𝗻𝗱-𝗖 𝗝𝗼𝘆 𝗕𝗮𝗱𝗲
