Nagsunod kag nagpatigayon sang delikado nga flight maneuvers ang People’s Liberation Army Navy (PLA-Navy) helicopter nga natumod nga may tail number 68 sa aircraft sang Bureau of Fisheries and Aquatic Resources (BFAR) sa tuman ka malapit nga distansiya nga tres metros lamang samtang nagapatigayon ang tropa sang Pilipinas sang Maritime Domain Awareness Flight sa territorial airspace sang Bajo De Masinloc.
Sa isa ka statement, ginpahayag ni Philippine Coast Guard spokesperson for the West Philippine Sea Commodore Jay Tarriela nga nagdulot sang dako nga peligro sa safety sang mga piloto kag pasahero ang reckless action sang Chinese helicopter.
Kasunod sang insidente, maga-file sang panibag-o nga diplomatic protest ang gobyerno sang Pilipinas kaangot sa ‘unprofessional kag reckless actions’ sang Chinese Navy helicopter.
Suno sa National Maritime Council, ang akto sang China nagpakita sang pagbalewala sini sa internationally accepted norms sa maayo nga airmanship kag flight safety.
Ginpahayag man sini wala sang duda nga ang Pilipinas ang may soberanya kag hurisdiksyon sa Bajo de Masinloc.
Dugang sini, indi mag-untat ang Pilipinas sa katungdanan sini nga bantayan ang maritime interests sa shoal, santo sa Republic Act 12064 ukon ang Philippine Maritime Zones Act kag international law, particular ang United Nations Convention on the Law of the Sea kag ang 2016 South China Sea Arbitral Award.
