Ginpasiguro ni Iloilo City Mayor Jerry Treñas nga mabulig ang syudad sa pamilya sang criminologist nga napatay bangud sa vehicular accident sa Sunset Boulevard.
Ang biktima amo si Jonazardo Abong, 26-anyos, isa ka criminology board passer, kag residente sang Sooc, Arevalo.
Sa interview sang Bombo Radyo kay Mayor Treñas iya ginpahayag nga nagmando na siya agud ma-contact ang pamilya ni Abong.
Suno kay Treñas, ginpasiguro naman sang Department of Public Works and Highways Region VI nga may budget na sila para sa ibutang nga stoplight sa lugar agud malikawan ang kapareho nga aksidente.
Ginpahayag man sini nga butangan sang closed circuit television (CCTV) kag pahamtangan sang kapulisan agud mapabilin ang police visibility sa lugar.
Nagpangabay man ang alkalde sa Land Transportation Office (LTO) nga magpatuman sang surprise inspection sa lugar.
