ILOILO – Nagakabalaka ang Iloilo Provincial Government sa serye sang mga ginaalegar abduction sa Iloilo sa diin involve ang mga kabataan.
Sa interview sang Bombo Radyo kay Rapunzel Rara Ganzon, Social Welfare Office IV sang Iloilo Provincial Social Welfare and Development, iya ginpahayag ng apisar ginkumpirma sang Iloilo Police Provincial Office (IPPO) nga wala sang actual kidnappings nga natabo, ginakahangaw-an ang mga potential consequences sang misinformation kag mass hysteria.
Suno kay Ganzon, may yara sang itanyag nga psychosocial suppor sa mga kabataan kag mangin sa ila ginikanan.
Posible suno kay Ganzon nga ang rason sang paghimo sang istorya sang mga kabataan amo bangud sa hysteria, ang iban mahimo nga nagapangayo lang sang atensyon ukon ang iban ginahimo lang gid rason para sa tabunan ang ila sala.
Ginapanawagan man sang natungdan sa mga ginikanan nga pabaskugon ang ila relasyon sa ila mga kabataan.
Nagapati ini nga ang mabaskog nga parent-child relationship ang makabulig nga malikawan ang amo nga sahi sang sitwasyon sa diin ang iban nga kabataan ang kinahanglan pa nga maghimo-himo sang mga makaalarma nga istorya.
Nagpaandam man si Ganzon sang insigida nga pagpalapta sang unverified information sa social media bangud makahatag ini sang panic kag paranoia sa publiko.
Apisar sa kumpirmasyon nga wala sang abductions nga natatbo, nagpanawagan si Ganzon sa mga ginikanan nga mangin mabinantayon sa gihapon bangud mahimo nga may yara sang mga indibidwal nga gamiton ang sitwasyon subong kag himuon gid ang krimen.
-𝗪𝗶𝘁𝗵 𝗮 𝗿𝗲𝗽𝗼𝗿𝘁 𝗳𝗿𝗼𝗺 𝗕𝗼𝗺𝗯𝗼 𝗟𝘆𝗻𝗱-𝗖 𝗕𝗮𝗱𝗲
