Gin-anunsyo sang Department of Agriculture (DA) ang implementasyon sang importation ban sa domestic kag wild bird kag tanan nga poultry products halin sa tatlo ka states sa United States of America.
Kabahin gihapon ini sa pagpangudal sang Pilipinas agud nga indi maapektuhan ang local poultry sang outbreak sang highly pathogenic avian influenza (HPAI) H5N1 strain.
Base sa ginbutang ni Agriculture Secretary Francisco Tiu Laurel Jr. sa Memorandum Order 14, ang apektado sang temporary import ban amo ang Indiana, New York, kag Pennsylvania.
Epektibo ang trade restrictions sa tanan nga domestic kag wild birds lakip na sa poultry meat, eggs, day-old chicks, semen, kag iban pa nga related products halin sa tatlo ka mga estado.
Buot silingon sang ban, suspended naman ang processing, evaluation, kag issuance sang Sanitary kag Phytosanitary Import Clearances para sa sini nga commodities.
