Ginpasiguro ni Iloilo City Mayor Jerry Treñas nga magabulig sa mga biktima sang sunog ilabi na sa mga napatyan nga pamilya sa Zone 6, Brgy. Infante, Molo, Iloilo City.
Sa interview sang Bombo Radyo kay Mayor Treñas, iya ginpahayag nga sa subong, indi pa man sini matul-id ang exact amount nga iya itanyag sa pamilya apang nagapanigurado ini nga magabulig.
Ginkasubo naman sang alkalde ang natabo sa mga residente ilabi na sa mga napatay nga manunudlo nga mag-asawa lakip na ang ila pito ka tuig nga anak.
Nahibaluan nga personal gid ini nga nagpadulong sa lugar agud nga sekyaron ang mga naapektohan sang insidente.
Nagpabutyag man ini nga ang natabo nga sunog ang isa ka ‘wake up call’ sa mga pumuluyo nga tsekyaron gid ang ila tagsa ka mga electrical devices agud nga malikawan nga matunaan sang sunog.
Nahibaluan nga makabaton sang P7,000 ang balay nga partially burned, samtang P10,000 naman ang ihatag sa mga totally burned nga balay.
