Suportado sang grupo sang hog producers ang desisyon sang Department of Agriculture (DA) nga magpatuman sang maximum suggested retail price (SRP) sa karne sang baboy epektibo buwas nga adlaw, Marso 10.
Ang tikang nga ini ang nagatuyo nga matapna ang nagapanglakaak nga presyo sang amo nga mga produkto.
Suno kay Pork Producers Federation of the Philippines president Rolando Tambago, kinahanglan gid ang maximum SRP nga P350 sa pork shoulder kag P380 sa pork belly bangud tuman man ka taas ang retail price subong nga P480 per kilo.
Indi man rasonable ini nga presyo suno sa iya bisan isiling pa nga apektado sang African Swine Fever (ASF) ang produksyon sang baboy.
Sa pihak nga bahin, ginapanan-aw sini nga magnubo ang consumption sang karne kadungan sang pag-obserbar sang Lenten season.
Nahibaluan nga santo sa nauna nga anunsyo sang DA, iimplementar ang MSRP sa karne sang baboy sa mga mercado sa National Capital Region (NCR). Ginhimo ang desisyon kasunod sang mahinalungon nga konsultasyon sa industry stakeholders nga ginalakipan sang producers, wholesalers, traders, kag retailers.
Iga-repaso ang MSRP pagkatapos sang isa ka bulan agud matumod kun kinahanglanon ang adjustments.
Ginklaro nga indi ini pag-iimplementar sa supermarkets kag hypermarkets bangud natural nga mas mataas gid man ang ila nga operating costs.#
