Duda si Makabayan bloc member kag Gabriela Rep. Arlene Brosas sa intensyon ni Vice President Sara Duterte sa pagpadulong sa Netherlands agud mag-apas sa iya amay nga si former President Rodrigo Duterte.
Ini kasunod sang pag-aresto sang Interpol sa amay nga Duterte paagi sa arrest warrant kag gindala sa The Hague, Netherlands kun sa diin nahamtang ang International Criminal Court kun sa diin siya magaatubang bangud sa ginaalegar crimes against humanity nga nakumiter sini may kaangtanan sa iya drug war.
Sa interview sang Bombo Radyo kay Rep. Brosas, iya ginpahayag nga kwestyonable ang pagkadto ni VP Sara sa Netherlands bangud suno sa iya, may yara ini sang responsibilidad sa Pilipinas bilang ikaduha nga pinakamataas nga opisyal sang pungsod.
Suno kay Brosas, ginalantaw niya ang posibilidad nga gamiton ini nga kahigayunan sang bise-presidente agud palagyuhan ang impeachment trial nga natalana nga magsugod sa Hulyo 30.
Matandaan nga kahapon sang aga sang nagbyahe na padulong sa Amsterdam si VP Sara pila ka oras ang nakaligad sang naglupad man ang eroplano nga ginasakyan sang iya amay padulong sa Netherlands.
