Wala nadayon ang committee hearing subong nga adlaw sang Committee on Engineering, Construction, and Public Works sang Iloilo City Council kaangot sa pag-veto ni Mayor Jerry Treñas sa road closure para sa proyekto sang Department of Public Works and Highways (DPWH).
Ini sa idalom man sa regulation ordinance 2025-045.
Sa interview sang Bombo Radyo kay Joy Fantilaga, spokesperson ni Mayor Treñas, iya ginpahayag nga ang rason sa pag-veto sang ordinansa amo bangud sa department order 110 kag ang local government code.
Nagaguwa sa pag-review sang legal sang City Mayor’s Office nga wala nakapatigayon sang pre-construction kag consultation sa local chief executive ang Iloilo City District Engineering Office (ICDEO) nga isa sa requirement para sa mga proyekto sang syudad.
Suno kay Fantilaga, ang nasambit nga pagsulundan ang wala natuman sang nasambit nga talatapan rason nga wala man mahatagan sang pahanugot para sa road closure.
Gin-athag man sang natungdan nga indi pamulitika ang ginahimo sang city government bangud nagasunod lamang sila sa rekisitos.
