Madamo ang nagbilib sa nahimo sang Los Angeles Clippers nga paglutos sa nagapanguna nga team sa Eastern Conference apisar nga wala ang ila coach kag mangin ang assistant sini.
Sa hampang batok sa Cleveland Cavaliers, apat sa players sang Clippers ang naka-skor sang masobra 20 puntos kag naghakwat sa team nga maangkon ang apat ka winning streak.
May 28 points kag 20 rebounds si Ivica Zubac; may 33 points si Kawhi Leonard; may 22 points kag nine assists si James Harden; samtang may 20 points naman si Bogdan Bogdanovic para sa 132-119 nga kadalag-an sang team.
Sa amo nga hampang, wala gihapon ang ila head coach nga si Tyronn Lue bangud sa paglala sang pagpalanakit sang iya likod, samtang wala man si assistant coach Jeff Van Gundy bangud sa family medical matter.
Ini na ang pang-apat nga sunod-sunod nga game nga wala ang head coach sang Clippers bangud sa back pain.
Ini naman ang naghatag sa Cleveland sang ikaduha nga sunod-sunod nga kalutusan matapos nakahimo sang NBA history sa ila franchise-record nga 16-game winning streak.
