Gin-athag sang City Engineer’s Office nga wala naponder ang mga bombelya sa mga heritage lamp posts sa dalan JM Basa kag Calle Real sa Iloilo City Proper.
Ini matapos nga nanotisyaran mismo ni Mayor Jerry Treñas nga wala nagasiga ang mga suga rason nga nagsulat ini sa Department of Public Works and Highways para ipalab-ot ang amo nga concern.
Sa interview sang Bombo Radyo kay Joel Gerasmia, Chief of Staff sang City Engineer’s Office, iya ginpahayag nga natandog lamang ang mga wire sang suga sang tion nga ginahimo ang drainage.
Suno kay Gerasmia, nasapol naman sang Iloilo City District Engineering Office ang kontraktor kag nagpromisa ini nga ubrahon ang underground wire agud magsiga na ini.
