Ginbasura ni Senate President Francis “Chiz” Escudero ang mosyon sang prosecution team sang Kamara nga ipatawag na si Vice President Sara Duterte bisan naka-session break agud sabton ang articles of impeachment nga gin-file batok sa iya sang nagligad pa nga Pebrero 5.
Suno kay Escudero, ini nga procedure ang sundon lamang kun naka-tingob na ang impeachment court kag kun “stated in record” na sa plenaryo ang articles of impeachment.
Indi legal nga ipatawag si Sara suno kay Escudero subong nga wala pa sang sesyon ang upper chamber.
Ginsiling sang Senate chief nga bisan kinamatarong man sang prosecution nga mag-file sang kaangay nga motion, indi siya kumbinsido nga aktuhan ini mientras nga wala pa nag-resume ang session sang Kongreso.
“It cannot legally be done. Hindi po siya pupwede dahil walang sesyon ang Senado… Na present na ba nila ‘yung articles of impeachment on plenary? Na-convene na ba yung court? Eh hindi pa naman eh. Edi hindi pa rin pwede ung ganon,” suno sa senador.
“Kahit naman makumbinsi mo ako, illegal pa rin yun e so hindi ko gagawin. I will not do anything that is illegal. Unless a special session is called which I doubt,” pahayag pa sini. “Kung gusto nila makipag-debate, huling payo na lamang siguro. Natutunan ko bata pa lamang ako sa kapapamadali, minsan lalong nagtatagal… I would rather be more prudent and more closely faithful with what the law provides than go through these experimental procedures that they would want us to do at this point in time.”
Pananglitan magpasugot siya suno kay Chiz, mahatagan lamang sang rason ang akusado kag ang impeached individual ukon si Sara nga kwestyunon ang proseso didto sa Korte Suprema.
Nahibaluan nga sa proposed timeline ni Escudero para sa impeachment trial, sa Hulyo 30 pa ang umpisa sang trial sa Senado.
Para mas mahangpan sang tanan, ginkumpara pa ni Chiz ang impeachment trial sa proseso nga ginasunod sang International Criminal Court (ICC) sa kaso nga crimes against humanity batok kay former President Rodrigo Duterte nga amay ni Sara.
Wala sang recess ang ICC suno kay Escudero apang gin-schedule ang confirmation of charges sa Septyembre, buot silingon, anum ka bulan pa ang hulaton sang anay presidente para mahibaluan kun magpadayon sila sa trial sang kaso.
“Finile ng Pebrero (ang impeachment). Sabi ko ang trial (of Vice President Duterte) magsisimula ng July pero ‘yung mga pre-trial procedures gagawin ‘yan sa Hunyo. May recess pa kami sa lagay na yon,” dugang sini.#
