Mapasa sang petition letter sa Land Transportation Franchising and Regulatory Board (LTFRB) ang pila ka transport cooperatives agud nga indi pagpabalikon-byhae ang mga unconsolidated jeepneys.
Sa interview sang Bombo Radyo kay Raymundo “Boyet” Parcon, presidente sang Iloilo City Loop Alliance of Jeepney Operators and Drivers Association (ICLAJODA) kag chairman sang Western Visayas Transport Cooperative (WVTC), iya ginpahayag nga magapatuman siya pagsinapol kaupod ang myembro sang ila alliance nga kooperatiba agud nga mahugpong sila sa amo nga plano.
Suno kay Parcon, ang numero sang mga units nga na-consolidate sa syudad ang yara sa 91% kon sa diin, may yara naman sang Local Public Transport Route Plan (LPTRP).
Ginpahayag man sini nga ang LPTRP ang indi na dapat pagtandugon kag kon pahanugotan ang mga unconsolidated jeepney nga magbyahe, mangin dako nga palamangkutanon kon diin sila magabyahe.
Dugang ni Parcon, tinghuwaan sang ila grupo nga mabalabagan ang tikang nga hatagan sang kahigayunan nga makabyahe ang mga wala na-consolidate nga mga jeepneys.
Nahibaluan nga una na nga nagpabutyag ang No to PUV Phase-out Coalition nga nagalaum sila nga makabalik-byahe ang mga drivers kag operators kasunod sang pagpasalig ni Transportation Sec. Vince Dizon nga i-suspend ang implementasyon sang PUV Modernization Program.
