Nagapadayon na subong ang pagboto sang mga Pilipino sa luwas sang pungsod para sa ila napili nga mga kandidato sa May 2025 midterm elections.
Nag-umpisa ang overseas voting kahapon, Abril 13, kag magalawig tubtub sa katapusan nga voting hours sa Pilipinas sa Mayo 12.
Suno kay Commission on Elections (Comelec) Chairman George Garcia, magluwas sa pagboto sa mga embahada kag consulates, ang rehistrado ng mga overseas Filipino voters ang mahimo man makaboto online.
Bukas ang internet voting sa abroad sa bilog nga 24 oras.
Matandaan nga may ginpatigayon nga test online voting para nga ma-familiarize sang mga Pinoy ang features sang system nga gin-adoptar sang komisyon sa labing-una nga tion.
Sa record sang Comelec, may 1.231-million nga mga Filipino voters sa luwas sang pungsod; apang sa sini nga numero, 48,000 lamang ang nag-enroll para sa online voting.
