Patay ang apat ka maghimata matapos makuryente kag malumos sa Ipil, Zamboanga Sibugay.
Suno sa otoridad, may nahulog nga martilyo kag tigib sa bubon kag gintuyo ini nga kuhaon ni alias “Jason,” 27-anyos, kag iya nga ugangan.
Nabuhinan na ang tubig sa bubon bangud sa submersible pump nga ginbutang diri apang samtang nagapanaog si Jason sa bubon gamit ang lubid, nakuryente ini kag nahulog sa tubig.
Gintinguhaan siya nga salbaron sang iya ugangan kay duha pa ka himata apang nakuryente man ang mga ini kag nahulog sa bubon kag nalumos.
Suno sa BFP, posible nga grounded ang submersible pump nga rason kun ngaa nakuryente ang mga biktima.
Suno sa mga himata sang mga biktima, nalipatan nila nga i-off ang main power switch nga nakakonekta sa submersible pump.
Sang makuha ang rescue teams ang apat, gindala sila sa ospital apang gindeklarar nga dead on arrival.
