Naka-record ang Philippine National Police (PNP) sang 53 ka mga insidente sa Pilipinas sa bilog nga obserbasyon sang Semana Santa.
Base ini sa gin-report ni PNP Public Information Office Chief Col. Randulf Tuaño kahapon, Easter Sunday.
Sa sini nga numero, nagapanguna ang kaso sang pagkalumos kun sa diin may 31 nga napagkit. Ang drowning incidents subong nga tuig ang 28% nga mas manubo kun ipaanggid sa 43 sang nagligad nga tuig.
Magluwas sa mga kaso sang pagkalumos, may na-rekord man nga vehicular accidents, robbery hold-up, sunog, acts of lasciviousness, bun-anay, kag mga pagpamahog kadungan sang Semana Santa.
Mahimo pa magbag-o ini nga numero kun may update ukon dugang nga impormasyon nga ipasulod ang local government units ukon local police stations.
