Gindepensahan sang pinuno sang Iloilo City Traffic and Transportation Management Office ang traffic enforcer nga nagbais sa isa ka lady driver sa Tabucan, Mandurriao, Iloilo City.
May kaangtanan ini sa nakumiter nga traffic violation sang driver apang nanindugan nga wala ini sang ginlapas nga pagsulundan sa trapiko.
Sa interview sang Bombo Radyo kay retired PCol. Uldarico Garbanzos, iya ginpahayag nga ginaubra lang sang traffic enforcer ang iya trabaho.
Suno kay Garbanzos, may mga motorista nga mataas ang paglantaw sa kaugalingon nga bisan sala, wala nagabaton sang ila kapaltahan.
Gintawag man niya nga character assassination ang ginhimo sang babaye nga driver bangud magluwas nga ginkuhaan ini sang video ang natabo, nagbuya pa ini sang mga makailinsulto nga mga tinaga batok sa enforcer.
