Patay ang alkalde sang Rizal, Cagayan nga si Mayor Joel Ruma matapos ginluthang sang wala pa makilal-an nga mga suspek kagab-i, Abril 23.
Suno sa pulis, natabo ang pagpangluthang samtang nagapatigayon sang campaign sortie ang alkalde kag iya mga kaalyado sa barangay hall sa Barangay Illuru Sur sa amo nga banawa.
Base sa inisyal nga impormasyon, may duha ka iban pa nga nadalahig sa areas kun sa diin natabo ang shooting. Nagaguwa sa initial reports ang pangalan nga Merson Abiguebel kag Melanie Talay apang padayon pa nga gina-check ang update sa ila medical condition.
Nagapatigayon na subong sang hot pursuit operation ang Rizal Police Station kaupod sa iban nga units sa idalom sang Cagayan Police Provincial Office.
