Natigayon na nga mapasaka ang patrol car gamit ang excavator nga nahulog sa kilid sang kalsada sa Barangay Natividad, Barotac Viejo.
Sa interview sang Bombo Radyo kay Susan Garcia, residente sang Barangay Natividad, Barotac Viejo, iya ginpahayag nga nakabati siya sang mabaskog nga lagbong sagwa sang iya balay mga pasado ala-una sa kaagahon.
Suno kay Garcia, nagwa ini siya apisar nga mabaskog ang ulan agud sekyaron kun ano ang natabo, kag didto nakita niya ang patrol car nga nahulog kag nagatakilid na ini.
Dugang pa sang natungdan, nautod gid ang poste kun sa diin nakabunggo pa ang nasambit nga salakyan bag-o nahulog sa kilid sang kalsada.
Gilayon man ini nga nagtawag sa Barotac Viejo Municipal Police Station agud marespondehan ang nagluntad nga aksidente.
Ginpakigbahin man ni Garcia nga madamo na ang nagakatabo nga insidente sa nasambit nga lugar.
