Gin-anunsyo sang Philippine Embassy sa Islamabad ang pagkanselar sang naka-schedule nga consular kag overseas voting mission sa Lahore, bangud sa padayon nga tension sa seguridad sa tunga sang India kag Pakistan.
Madumduman nga nagsugod ang tension sa tunga sang duha ka pungsod nga may armas nukleyar matapos ang malala nga pag-atake sa mga turista sa gina-agawan nga rehiyon sang Kashmir sang nagligad nga bulan.
Gin-akusaran sang India ang Pakistan sa natabo nga pagpang-atake, apang ginpanginwala ini sang Islamabad.
Suno sa Pakistan, may yara sila sang masaligan nga impormasyon nga nagapakita nga may yara sang plano ang India nga maglunsyar sang aksyon militar.
Nahibaluan nga ang Honorary Consulate sang Pilipinas sa Lahore kuntani ang maga-host sang consular kag overseas voting mission, apang ginpili sang embahada nga ipadalom ini sa kanselasyon bangud sang padayon nga Red Alert status sa Punjab
Nagpasalamat naman ang Philippine Embassy sa Islamabad sa mga Pilipino sa ila paghangop kag ginaganyat man sila nga padayon nga maghalong kag unahon gid ang ila seguridad.
