Ginbasura sang Pre-Trial Chamber I sang International Criminal Court (ICC) ang apela sang kampo ni anay Presidente Rodrigo Duterte nga kakason sa hearing ang duha ka huwes nga involved sa pagresolba sa isyu sang hurisdiksyon sang tribunal kaangot sa kaso batok sa iya.
Ini ang nakasaad sa apat ka pahina nga desisyon nga napetsahan nga Mayo 6 kag ginpirmahan ni Presiding Judge Lulia Antoanella Motoc.
Matandaan nga nag-file ang kampo ni Duterte sang pagpamatok sa hurisdiksyon sang ICC sa Pilipinas.
Sa amo man nga adlaw, nag-file man ang depensa sang isa ka “Invitation to petition the Presidency for a partial Excusal” nanday Judge Reine Adélaide Sophie Alapini-Gansou kag Judge María del Socorro Flores Liera gikan sa pagtungod sang papel sa Pre-Trial Chamber I kaangot sa isyu sa hurisdiksyon, bangud sa “posible nga bias.”
Nauna na nga gin-aprubahan sang duha ka mga hukom ang pagpatigayon sang una nga imbestigasyon batok kay Duterte.
