Nanguna si Derrick White nga may 34 points lakip ang pito ka tres agud nga mapadaog ang Boston Celtics batok sa New York Knicks sa Game 5 sang NBA Eastern Conference semifinals, 127-102.
Nagsunod si Jaylen Brown nga may 26 points kag 12 assists, samtang nagdugang naman si Luke Kornet sang 10 points, nine rebounds kag seven blocks.
Nahimo ini sang team apisar wala si Jayson Tatum nga nagpaidalom sa surgery bangud sa ruptured right Achilles tendon nga naangkon sini sa Game 4.
Tinguhaan sang Boston nga mangin ika-14 sa team sa NBA history nga makabangon halin sa 3-1 deficit. Sa Sabado, 8:00 sa aga oras sa Pilipinas, tinguhaan naman sang Knicks nga makadaog kag kun mahimo nila ini, ini ang mangin labing-una nga tion sa sulod sang 25 ka tuig nga makatapak sila sa Conference finals.
Pananglitan magdaog naman ang reigning champions, mapwersa ang Game 7 sa ila home court sa Martes.
Ginalantaw nga indi na makabalik ang 27-anyos nga six-time All-Star nga si Tatum sa nabilin nga bahin sang playoffs. Siya ang nagapanguna sa Celtics sa points (28.1), rebounds (11.5) kag assists (5.4) per game sa ikaduha nga sunod-sunod nga postseason.
