Balantayan 8:30 subong nga aga ang Game 3 sa National Basketball Association (NBA) finals sa tunga sang New York Knicks kag San Antonio Spurs.
2-0 na subong ang serye nga lunsay gindag-an sang Knicks.
Ini man ang labing-una nga tion sa sulod sang 27 ka tuig nga magabalik ang NBA Finals sa Madison Square Garden sa New York.
Katapusan ini nga nasaksihan sang basketball fans sadtong Hunyo 25, 1999 sang nagaaway man sa finals ang Knicks kag ang Spurs.
Magluwas diri, espesyal man ang hampang subong nga adlaw nga tambungan mismo ni US President Donald Trump kasunod sang imbitasyon sang tag-iya sang Knicks nga si James L. Dolan — isa ka longtime donor sa local kag national Republican parties kag mga kandidato lakip na kay Trump.
Ini ang una nga tion nga magapungko ang US President sa venue agud nga maglantaw sang NBA finals game.
Bilang preparasyon sa pag-abot sang presidente, mas hugton ang seguridad sa arena kag ipatuman ang “strict no-bag policy” rason nga ginapa-temprano ang fans para sa Game 3.
Bangud sang attendance sang presidente, ginkanselar man ang ginplano nga watch party sa gwa sang Madison Square Garden kasunod sang koordinasyon sang New York Police Department sa Secret Service.
Sa Game 2 sang Finals sa Frost Bank Center sa Texas, USA, nagdangat sa 7,000 ang naglantaw sa hampang.#
 finals sa tunga sang New York Knicks kag San Antonio Spurs.){kind=link}