Magabiya na ang 41-anyos nga superstar nga si LeBron James sa Los Angeles Lakers.
Mismo ang tag-iya sang Lakers nga si Jeanie Buss ang nagkumpirma sang reports nga naglisensya na si James nga magabalik siya sa 24th season sang NBA apang indi na ini mag-upod sa amo nga team.
Sa statement ni Buss, ginpasalamatan sini si James kag gintawag nga isa sa greatest athletes sa maragtas sang basketball.
“We will always be thankful for his eight years with the Lakers — including the title he led us to in 2020 under the toughest imaginable circumstances and the countless records he broke in purple and gold,” suno kay Buss.
Antes sini, ang agent kag suod nga abyan ni James nga si Rich Paul ang nagsapubliko nga napahibalo na ni James ang Lakers sa iya nga desisyon nga magpirma sa lain nga club antes ang pagsugod sang free agency negotiating period.
Nahibaluan nga walo ka seasons nga yara si James sa Lakers kag lakip sa nangin highlight sang ila pag-updanay amo ang pagdaog sang 2020 NBA title.
Kahapon, nagguluwa na ang reports nga ginalauman nga kuhaon sang Golden State Warriors si James.
Si James amo ang four-time NBA MVP kag all-time leading scorer sa NBA nga may record-setting nga 23rd NBA season.
Apisar sang iya edad, may average siya nga 20.9 points, 7.2 assists kag 6.1 rebounds subong nga season sa Lakers. Ini nga 22-time All-Star kag four-time NBA champion amo man ang all-time leader kun basehan sa games (1,622) kag points (43,440).
